د جسټس قاضي فائز عيسي په ضد سماعت کونکي بينچ مات شو

فيض آباد دهرنا کيس فيصله د جسټس قاضي فائز عيسي خلاف د ريفرنس سبب جوړه شوي

دجسټس فائر عيسې او جسټس کے کے آغا په ضد صدارتي ريفرنسز سماعت کونکي د سپريم کورټ لارجر بينچ مات شو،جسټس اعجاز الاحسن او جسټس سردار طارق مسعود د کيس اوريدني نه معذرت کړي چي وروستو ئي د بينچ مشر جسټس عمر عطا بنديال د نوي بينچ لپاره چيف جسټس ته دا معامله ليږلې ده
د جسټس عمر عطا بنديال په مشرې کښې د سپريم کورټ اووه کسيزه لارجر بينچ د سپريم جوډيشل کونسل په ضد د جسټس قاضي فائز عيسي د درخواست سماعت کړې،د جسټس فائز عيسي وکيل مينر اے ملک په ځيني ججانو اعتراض کړې او غوښتنه کړې وه چي د سپريم کورټ فل کورټ دې جوړ کړې شي
منير اے ملک دا هم وئيلي دي چي بينچ کښې دې هاغه ججان شامل کړې شي د چا مفادات چي دې کيس سره ټرلې نه وي،منير اے ملک د سپريم جوډيشل کونسل په ممبرانو هم اعتراض کړې او وئيلي دي چي مونږ د اهل ججانو فل کورټ جوړولو درخواست کوو
د جسټس قاضي فائر عيسي وکيل منير اے ملک زياته کړي چي چونکي د بينچ د دوه ججانو مفادات دې کيس سره نيغ په نيغه ټرلي دي،دغه دوه ججان به مستقبل کښې چيف جسټس جوړيږي لهذا دوي د بينچ نه لرې کړې شي
د دې وروستو لارجر بينچ کښې شامل جسټس اعجاز الاحسن او جسټس سردار طارق مسعود د دې کيس اوريدو نه معذرت اوکړو چي ورسره لارجر بينچ مات شو
د لارجر بينچ مشر جسټس عمر عطا بنديال د نوي بينچ جوړولو لپاره دا معامله د سپريم کورټ چيف جسټس آصف سعيد کهوسه ته ليږلې او د کيس سماعت ئي ملتوي کړيدې