پيښور هائيکورټ دبهټه خشت ايسوسي ايشن درخواست باندي وفاقي حکومت ته نوټس جاري کړے

د خېبرپختونخوا په عدالتونو کښي د ګرمۍ چهټيانې منسوخ کړے شويدي

دپيښور هائيکورټ دوه کسيزه بنچ د اضا خيل او چراټ بشمول د ټولي پښتونخوا بهټه خشت ايسوسي ايشن له اړخه دائر کړے شوي درخواست باندي سماعت په وخت د وفاقي حکومت ته نوټس جاري کړے ، عدالت خپل ريمارکس کښې وئيلي دي چي څه وجه ده چي دخختو په ګاډو کښې د لس زره خختو نه تعداد څلور زره ته کم کړے شويدے ښکاري داسي چي وفاقي حکومت مزدورکار طبقه تنګول غواړي،
پيښور هائيکورټ کښې څه ورځي وړاندي د خختو کاروبار کوونکو تنظيم يونائيټيد بهټه خشت ايسوسي ايشن د کميونيکيشن وفاقي وزارت په ضد درخواست دائر کړے وو،
درخواست کښې دريځ خپل کړے شوي وو چي د کميونيکشن وفاقي وزير مراد سعيد د خختو روزګار کوونکو باندي سخت بنديز لګولے دے چي د څلور زرو نه به سيوا خختي په ټرکونو کښې نه لوډ کوي،
دوه کسيزه بنچ جسټس مسرت هلالي او جسټس اشتياق ابراهيم د درخواست ګزارانو په درخواست سماعت په وخت د کميونيکشن وفاقي وزارت ته نوټس جاري کړؤ او خپل ريمارکس کښې ئي اووئيل چي څه وجه ده چي د خختو کاروبار کوونکي مزدور کار طبقه د وفاقي حکومت له اړخه هراسا کيږي،
د درخواست ګزارانو وکيل عدالت ته اووئيل چي د ټرکونو د لوډ کولو پخواني اجازت نامه دي برقرار اوساتلے شي